Dado que o préstamo está automatizado, para acceder a este servizo, é suficiente con presentar un documento que acredite que se pertence a algún dos grupos de persoas relacionadas no Punto 2 das Normas de Préstamo.

Todos os materiais bibliográficos da UDC son susceptibles de seren prestados. Algúns documentos, por razóns de uso, antigüidade ou preservación, poderanse consultar unicamente na biblioteca. (Punto 4 das Normas de Préstamo).

O número de obras que poden ser solicitadas en préstamo e a duración deste, varía segundo o tipo de usuario:

*Existe tamén un réxime especial de Depósito Bibliográfico Permanente para os Departamentos.

RENOVACIÓNS: Pódese renovar o período de préstamo de todos os documentos sempre que outro usuario non os solicitase. A renovación pódese facer por teléfono ou persoalmente na biblioteca onde se solicitou o préstamo.

RESERVAS: Os documentos que se encontren en préstamo, pódeos reservar calquera usuario. Para solicitar a reserva dun exemplar diríxase ao persoal da súa biblioteca.

INFORMACIÓN DO USUARIO: esta opción permite a cada usuario coñecer o estado dos seus préstamos, reservas, renovacións, etc.
 

Os usuarios, a través da súa biblioteca, poden solicitar en préstamo os fondos doutras bibliotecas da UDC sen necesidade de se desprazar. Poden solicitar este servizo na biblioteca do centro a que pertencen.  

As condicións do préstamo intercentros serán as mesmas que as de préstamo a domicilio.   

Unha vez solicitado un documento a través do Préstamo Intercentros, o usuario pode saber se o libro solicitado chegou xa á  biblioteca consultando a pantalla de Información do Usuario. O libro reterase na biblioteca solicitante o día da súa recepción e o seguinte, e devolverase á biblioteca prestataria ao terceiro día.

Para máis información acuda ao persoal da biblioteca.