SECCIÓN DE ACCESO AO DOCUMENTO

GUIA DO USUARIO DO PRÉSTAMO INTERBIBLITECARIO

• Quen pode utilizar o servizo de préstamo interbibliotecario?

Son usuarios de préstamo interbiblitecario todos os membros da comunidade univerisitaria da UDC e as persoas autorizadas segundo as "Normas de uso do préstamo do Préstamo Interbibliotecario".

• Que teño que facer para darme de alta neste servizo?

O primeiro de todo, é darse de alta como usuario deste servizo para poder xestionar as súas peticións. Unha vez que cubra o formulario de alta recibirá no seu correo electrónico o seu usuario e contrasinal que lle permitirá facer as peticións.

• Olvidei a miña contrasinal

Na mesma pantalla de autentificación, ofréceselle a opción de recordar a contrasinal que se lle comunicará no seu correo electrónico. Tambén pódenos chamar a: 981 16 70 00,  extensións 5675, 5676, 5677   

• Que datos teño que cubrir para darme de alta?

É importante que no formulario de alta indique:

O seu enderezo na Universidade: a Facultade, Departamento ou Servizo

O  CARGO, é dicir, o tipo de usuario:

• Profesor
• Alumno de 3º ciclo
• Alumno de 1º ou 2º ciclo
• Persoal de Administración e Servizos
• Usuario autorizado.

en Notas: datos alternativos como a súa dirección persoal, outros teléfonos, etc.

• Cando podo comezar a facer peticións?

Cando reciba, por correo electrónico, o seu código e contrasinal poderá realizar peticións, consultar o estado das súas solicitudes, facer reclamacións, etc.

• Como teño que facer para pedir os documentos?

Terá que cubrir unha solicitude por cada documento. E importante que sinale todos os datos posibles para poder localizalos. Se solicita un artigo de revista ou un capítulo dun libro debe indicar as páxinas.

• Canto tempo tardan en chegar os documentos?

Depende de que se trate de documentos electrónicos ou en papel. Tambén dependa da biblioteca á que se lle pediran os documentos.

• Como sei que me chegou o que pedín?

No seu correo electrónico recibirá unha detallada comunicación da tramitación das súas peticións, é dicir, onde se solicitan, cando se reciben, as reclamacións que se fagan, a fonte de referencia (se os datos non abondan para identificar o documento), etc.

• Como chegan os artígos de revista?

Poden chegar en papel ou en formato electrónico. Os documentos en papel envíanse por correo interno. Os documentos en formato electrónicos, remitímolos por correo electrónico ou os depositamos no repositorio de gtbib, dependendo do tamaño do arquivo.

• Como visualizar os documentos en formato electrónico?

Para visualizar os documento en pdf, ten que ter instalado o adobat reader no seu pc. Os documentos en formato tiff necesitan o programa irfan  view. Vostede pode descargar gratuitamente este programa seguindo as indicacións que lle indicamos na guía de instalación.

• Donde podo consultar os libros que solicitei por préstamo interbibliotecario?

Se o libro ven dalgunha biblioteca universitaria española, llo enviaremos á biblioteca do seu centro para que o poda levar en préstamo durante o tempo que se lle indica.

Se o libro ven de bibliotecas estraxeiras ou bibliotecas españolas, que non prestan os libros ao usuario final, ten que vir consultalos à Biblioteca Central do Campus de Elviña ou à Biblioteca do Patín no Campus de Ferrol.

• Canto tempo teño para consultar os libros?

Os libros de préstamo interbibliotecario levan unha banda amarela na que se indica a data de devolución. Ademáis, no seu menú de usuario pode ver os préstamos e a data de devolución.

Máis información en: