• Para as materias cuadrimestrais impartidas no primeiro cuadrimestre, a avaliación está aberta durante catro semanas: comeza en xaneiro, o luns da última semana de clases dese cuadrimestre, e remata en febreiro, o domingo anterior ao comezo do segundo cuadrimestre.
  • Para as materias anuais e as cuadrimestrais impartidas no segundo cuadrimestre, a avaliación comeza o luns da última semana de clases do curso académico e está aberta durante seis semanas.

  A Avaliación Docente UDC pode ser levada a cabo por todo o alumnado matriculado en titulacións oficiais de 1º e 2º ciclo e de grado ou en mestrados que non sexan interuniversitarios. Tamén pode facela todo o profesorado con carga docente no curso actual e que así figure no Plano de Organización Docente (POD) da Universidade da Coruña, incluídos os dos Centros Adscritos.

 Para acceder, tanto se é estudante como se é docente, deberá utilizar o nome de usuario e o contrasinal obtidos ao rexistrarse en https://servizos.udc.es . Teña en conta que o "usuario" non inclúe a parte de dominio internet (non leva a parte @udc.es).

  Para dispoñer de usuario e contrasinal, debe rexistrarse na web https://servizos.udc.es. Se xa o fixo pero non lembra os seus datos, deberá poñerse en contacto co Centro de Atención a Usuarios (CAU) na extensión telefónica 2222.

  • Se é estudante de primeiro ingreso, ao matricularse recibiu unha clave para darse de alta en https://servizos.udc.es. Se non a atopa, na Secretaría do seu centro pódenlla xerar de novo. Terá que presentar o seu DNI.
  • Se é docente novo na UDC, ao firmar o contrato recibiu unha clave para darse de alta en https://servizos.udc.es. Se non a atopa, pódenlla xerar de novo no Servizo de PDI. Terá que presentar o seu DNI.

.

 Se pode acceder a https://servizos.udc.es o seu usuario e contrasinal son correctos. O erro de acceso pode deberse a tarefas de mantemento non
programadas ou problemas temporais. Volva a intentalo pasados unhos minutos..

  Comprobe que en “Colectivo” marcou o que corresponde á súa situación: Estudante, PDI ou “Proxectos e convenios”.
  [Dentro de “Proxectos e convenios” atópase o profesorado de categorías non-LOU (Parga Pondal, Ánxeles Alvariño, ...). Esta é unha clasificación dependente do tipo de contrato e allea a Avaliación Docente.]

  Só se poden avaliar as materias que veñen de rematar, e que en xaneiro/febreiro son as do primeiro cuadrimestre. As materias anuais a as do segundo cuadrimestre avalíanse en xuño/xullo. Ademais, o Proxecto de fin de carreira non se avalía. Compróbeo e, se non son estes os problemas faga o seguinte:
  • Se é estudante: comprobe a súa matrícula na Secretaría do seu centro.
  • Se é docente: comprobe o POD en http://matricula.udc.es/podaberto/ . Se atopa algún erro, comuníqueo ao responsable do POD (Dirección do seu Departamento ou Coordinación do Mestrado) para futuras constancias, aínda que a efectos da Avaliación Docente unha vez comezada non é posible actualizar ningún cambio.

  Polo mesmo motivo da pregunta anterior (ver arriba). Non obstante, se está matriculado/a (estudantes) ou se figura no POD (docentes), debería poder cubrir a enquisa de competencias, dentro de “Enquisas xerais”. Se non pode: comprobe a súa matrícula (estudantes) ou comprobe o seu POD (docentes).

  A Avaliación Docente da UDC está dispoñible desde calquera computador (ou outro dispositivo) conectado a Internet ou desde as Aulas-Net dos distintos centros da UDC, desde as 8.00 ata as 22.00 horas, todos os días da semana.

• O PC debe dispoñer dun “navegador” (Internet Explorer, Mozilla, Opera, Safari, ...).
• O navegador debe estar configurado para aceptar cookies.

  O programa de Avaliación Docente almacena o estado das enquisas continuamente polo que, se o navegador ou o PC falla ou se perde a conexión de rede, no momento en que a situación se resolva pódese volver co mesmo estado que cando se bloqueou e non se perde ningunha información.

  Polas especiais características da aplicación, a seguridade é especialmente importante. Por iso, despois dun certo tempo sen utilizar o sistema, bloquéase e pide de novo os datos de acceso. Isto protexe ao usuario/a dun uso indebido para que en caso de deixar por erro o computador aberto, non poida utilizarse con fins non apropiados.

  • Se é estudante: unha enquisa para cada profesor/a que imparta cada materia matriculada, máis unha enquisa “xeral” sobre as súas propias competencias.
  • Se é docente: dúas enquisas por cada materia impartida (unha sobre a súa docencia e outra sobre as competencias do seu alumnado), máis unha enquisa “xeral” sobre as súas propias competencias.

  • As enquisas por materias teñen que cubrirse ao remate do período no que se impartiran as súas clases: primeiro ou segundo cuadrimestre (ou curso académico no caso das materias anuais).
  • A enquisa xeral (autoavaliación de competencias) pódese cubrir en calquera dos dous períodos de avaliación.

  As enquisas poden responderse en calquera momento, e de ningunha maneira é obrigatorio contestar a todas na mesma sesión. O sistema garda os datos da Avaliación Docente aínda que se peche o navegador ou se apague o computador. Así mesmo, se polas circunstancias que fosen non cre procedente responder unha enquisa en particular, pode deixala sen contestar ata outro día e seguir coas demais.

  Só pode deixar a enquisa “xeral”. As enquisas por materias non se poden deixar porque as materias que se están avaliando son só as do primeiro cuadrimestre. A fin de curso avaliaranse unicamente as materias do segundo cuadrimestre e as anuais.

  As enquisas sen cubrir teñen ao seu lado a palabra “Pendente”, escrita en cor vermella. Cando se cubre e envía correctamente unha enquisa, ao volver ao listado aparece a palabra “Cuberta”, escrita en cor verde. A súa avaliación finaliza cando en todas as enquisas indica que está “Cuberta”.

  Recibe un crédito de libre elección o alumnado de 1º e 2º ciclo que cubre todas as enquisas de todas as materias nas que estea matriculado, dentro dos prazos establecidos: as cuadrimestrais á finalización do cuadrimestre correspondente e as anuais a fin de curso.
  Deberá recoller o certificado para validalo na Secretaría do seu Centro a partir de setembro.

  Atendemos e respondemos exclusivamente por escrito. Escriba unha mensaxe dende o seu correo da UDC a . Só poderemos contestar a mensaxes remitidas dende direccións de correo electrónico do dominio @udc.es.

  A Avaliación Docente da UDC está protexida por un protocolo de seguranza que se denomina SSL e permite manter as comunicacións entre o servidor e o PC seguras. Para poder traballar con este protocolo é preciso que o cliente confíe no servidor antes de comezar as comunicacións. Por iso, soamente a primeira vez que se conecte con Avaliación Docente da UDC apareceralle unha mensaxe preguntándolle se desexa confiar no CA (entidade certificadora) da UDC. Vostede debe confirmar esta mensaxe para usar a Avaliación Docente da UDC. Esta confirmación non produce ningún perigo para a seguranza do seu PC nin produce ningún compromiso pola súa parte.