Sinatura e cifrado de correos electrónicos utilizando Mozilla Thunderbird

Este manual establece os pasos necesarios para poder asinar correos electrónicos utilizando Thunderbird. Para iso pode utilizarse calquera certificado válido (DNIe, FNMT instalado no navegador, FNMT incorporado na tarxeta universitaria etc.)

Configuración

1. Instalación do módulo criptográfico PKCS#11 de Gemalto en Thunderbird

Necesario unicamente se vai empregar un certificado importado na tarxeta de identificación universitaria

Seleccionar “Editar” > “Preferencias”

Pulsar a icona "Avanzado", logo a pestana "Certificados" para mostrar estas opcións

Pulsar "Dispositivos de seguridad" para mostrar a ventá "Administrador de dispositivos", que mostra as opcións dispoñibles. Pulsar “Cargar” para engadir o módulo criptográfico.

 

En “Nombre del módulo” teclear “Gemalto PKCS#11 Module” e seleccionar en “Archivo del módulo” o arquivo “/usr/lib/ClassicClient/libgclib.so” e pulsar “Aceptar”

O módulo criptográfico está instalado.

2. Instalación do certificado para a conta de correo

Instalar o certificado no navegador ou instalar o software necesario para o seu uso no DNIe ou na tarxeta universitaria:

DNIe: Só permite sinatura (non permite cifrado)

FNMT instalado no navegador: Sinatura e cifrado

FNMT instalado na tarxeta universitaria: Sinatura e cifrado

Se vai empregar un certificado na tarxeta de identificación universitaria ou DNIe debe introducilo no lector.

Seleccionar “Editar” > “Configuración de las cuentas…”

Seleccionar “Seguridad” para a conta de correo que desexa empregar coa sinatura e cifrado.

“Firmado digital”, pulse “Seleccionar…”

Aparecerá a listaxe de certificados que ten instalados no equipo ou na tarxeta que teña insertada no lector (require introducir o pin). Seleccione o que desexa utilizar.

Repetir o proceso para “Cifrado”

Pulse “Aceptar”

O certificado está seleccionado

3. Asinar e cifrar correos electrónicos

Pulsar “Redactar”

Despregar “Seguridad” e marcar “Firmar digitalmente este mensaje” se desexa asinar o correo e “Cifrar este mensaje” se desexa cifralo.

Nota: para poder marcar “Cifrar este mensaje” ten que importar a clave pública do destinatario. Este proceso realízase de maneira automática ao recibir un correo asinado do destinatario. Se nunca recibiu un correo asinado pida ao destinatario que llo envíe ou que lle envíe un arquivo coa súa clave pública (que deberá importar en “Editar” > “Preferencias” > “Avanzado” > “Certificados” > “ver certificados” > “Personas” > “Importar…”)