En segundo lugar, a opción por unha administración pública con participación activa nos diferentes mercados e estamentos (laboral, financeiro, etc) con incidencia nos diferentes aspectos sociais determinantes da calidade de vida dos cidadáns aos que aquelas serven, e isto fronte a unha concepción abstencionista do estado liberal, levou a implicación das administracións públicas en todas aquelas vertentes e, por ende, a unha maior presenza da administración en aqueles ámbitos, coa consecuencia do inevitable xurdimento de conflitos que derivan ora da propia xestión, ora da interpretación da normativa a aplicar.

En terceiro lugar, a interiorización e asimilación polo cidadán dos seus propios dereitos, o que conleva, tamén, unha mayor litixioxidade consecuencia das discrepancias destes coa actuación administrativa que lles afecta.

Os anteriores aspectos inciden no particular da xestión universitaria en tanto que dimanante dunha auténtica administración pública, que presta un servizo esencial e cun colectivo de destinatarios cada vez máis amplo.