O actuar da Asesoría Xurídica desglósase en distintas vertentes, que se concretan nos dous grandes ámbitos da súa actuación; dun lado, a representación e defensa xurisdicional da UDC ante as diferentes ordes procesuais (civil, penal, contenciosa – administrativa e social) e doutro, a función de asesoramento en Dereito aos órganos xestores con competencia resolutoria en orde a ilustrar a decisión da xestión para un máis axeitado cumprimento do principio de legalidade.

A existencia no eido das diferentes administracións públicas de unidades administrativas que teñen atribuída a “función” de asesoramento en Dereito, así como a de representación e defensa xurisdicional daquelas en todo tipo de procedementos e procesos, aínda arbitrais, vén imposta pola incidencia de varias notas:

En primeiro lugar, a esixencia constitucional do actuar das administracións públicas con suxeición á lei (art. 1 e 103 Contitución Española) en tanto que base do Estado social e democrático de Dereito que a norma fundamental consagra.