Acreditación ENAC do Instituto Universitario de Medio Ambiente

O IUMA acaba de recibir a concesión da acreditación para realizar ensaios no sector medioambiental

O Instituto Universitario de Medio Ambiente (IUMA) da UDC acaba de recibir a concesión da acreditación, por parte da Entidade Nacional de Acreditación (ENAC), para a realización de ensaios no sector medioambiental: toma de mostras e determinación de PM10.

Este recoñecemento redunda na prestación de servizos de máis calidade por parte da UDC e reforza a participación que está a ter o IUMA en distintos proxectos de I+D+i. Nos últimos anos vén participando en 5 proxectos de ámbito internacional, 2 nacionais, 3 autonómicos e 34, a través de convenios e contratos, con empresas, industrias, administracións públicas nacionais, autonómicas e locais. Ademais, pertence a distintas redes de investigación relacionadas coa sostibilidade.

Acreditación