Mesa de emprendedores na Cátedra de Empresa Familiar

A Cátedra de Empresa Familiar organiza unha mesa de emprendedores o vindeiro venres 12 de abril ás 11 horas na aula 0.5 da Facultade de Economía e Empresa.

Coñeceremos da man dos seus creadores a experiencia de iniciativas tan interesantes como IpGlobal, Todotaladro, Siguetuliga, Qualinnova, Soscliente, Masvalor ou Inprega. Estas empresas atópanse en diferentes estados de desenvolvemento do proxecto, que van desde as máis maduras e consolidadas ata as de recente creación.

Contaremos ademais coa presenza de membros da directiva de AJE que nos explicarán as actividades e servizos que esta asociación está a realizar en materia de apoio a novos proxectos. O moderador da mesa será Carlos Rodríguez Navarrete, experto en emprendemento.

A asistencia ao evento está aberta a calquera persoa interesada no tema.