Actividades con motivo do Día Internacional da Muller

8 de marzo de 2013

Exposición: Mulleres nas bibliotecas da UDC (do 8 ao 15 de marzo)

Exposición bibliográfica de mulleres que traballaron e traballan nos distintos eidos da ciencia, cultura, tecnoloxía e arte que se ubicará en distintas bibliotecas dos Campus de Ferrol e de Coruña.

A exposición terá lugar desde o 8 ao 15 de marzo e as bibliotecas participantes son:

• Biblioteca da Escola Politécnica Superior
• Biblioteca da Escola Universitaria Politécnica
• Biblioteca da ETS de Arquitectura
• Biblioteca da Facultade de Ciencias do Deporte e a Educación Física
• Biblioteca da Facultade de Ciencias
• Biblioteca da Facultade de Ciencias da Educación
• Biblioteca da Facultade de Filoloxía
• Biblioteca da Facultade de Informática

Proxección documental: Las constituyentes de Oliva Acosta (12 de marzo)

Proxección pública da película documental Las Constituyentes de Oliva Acosta na Facultade de Dereito no Campus de Elviña o 12 de marzo ás 17.00 horas, presentado por Ana Aba Catoira profesora de Dereito Constitucional e coa presenza de Nona Inés Vilariño, constituínte e membro do Consello Social da UDC.

• Máis información sobre esta proxección
• www.lasconstituyentes.com

Obra de teatro: María Castaña (7 de marzo)

Avelaíña Teatro presenta a obra María Castaña de Manuel Ayán, dirixida por Antón Lamapereira, na Facultade de Economía e Empresa o vindeiro 7 de marzo ás 20:00 h.

A entrada será de balde.

Elas fan tech – NORMAL (Espazo de Intervención Cultural)

5 de marzo - A Coruña: M-Artech Platform: Plataforma tecnolóxica de interconexión entre mulleres, arte, ciencia e tecnoloxía

Conferencia impartida por Francesca Mereu na Sala Cubo ás 19.30 horas

6 de marzo - Ferrol: Mulleres e tecnoloxía: abrindo a caixa de Pandora

Conferencia impartida por Cristina Justo Suárez na que se analizará a participación feminina no ámbito tecnolóxico. Facultade de Humanidades no Campus de Esteiro ás 19.30 horas.

7 de marzo - A Coruña: Ada Lovelace ou a encantadora de números e a súa repercusión no século XXI

Conferencia impartida por Francesca Mereu na Facultade de Informática, no Campus de Elviña ás 12.30 horas.